(Інтернетовы новинкы Академія русиньской културы в СР ч. 9/2014 на http://www.rusynacademy.sk/cms/)
A) Сітуація на Українї є продовжінём реалізації веце як 1219 років старой політічно-теолоґічной концепції франкского краля Карла Великого, котру проявив у своїм писме папови римскому Левови III. в роцї 795 н. е. з нагоды ёго зволїня за папу римского (посмоть: К: Ідеї на рїшіня сітуації в русиньскоім русї на Словакії (2) http://www.holosy.sk/ad-namety-na-riesenie-situacie-v-rusinskom-hnuti-na-slovensku-2 ) ). Од того часу славяньскый світ горить в поломіню. І нелем славяньскый, но і цїлый світ неакцептуючій латиньске універсум. Так горїла Лужіца, Чехія, Великомолавска імперія. Горїла і потім, што заникла. Тадь было треба знищіти вшытко кіріломефодьске – руське. Так горїла і Пряшівска Русь, і Підкарпатьска Русь. Так горит простор кіріломефодьской духовности і култуты і в сучасности. Так буде горїти до того часу, покля дочіста не згорить, або докля народ той духовности і култуты собі не усвідомить, же треба проти той аґресії боёвати.

Б) Бандеровска фашістічна, прозападна орьєнтація западной Україны была все знама. Є выслїдком мінімално 700 років тырваючой окупації Літвы, Польщі і Австро-Угорьска. То што ся дїє в тім часї на Українї, є передовшыткым выслїдком і вітринов тых трёх штатів. Совєтьскый союз (Росія) брав участь на выхові западной Україны 52 рокы, што чінит 07,4%; русиньска, проросійська, але і просовєтьска выходна орьєнтація сучасной Закарпатьской Україны была все знама; все была знама і проросійска, но і просовєтьска выходна орьєнтація юговыходной Україны, т. є. передовшыткым Крыму і Донецька; наперек тому бандеровска фашістічна орьєнтація западной Україны не бранила Европскій унії, Америцї, но і Світовой радї Русинів (посмоть К: Підпорне писмо Світовой рады Русинів владї Україны перед вступом країны за члена Европской унії на http://www.holosy.sk/m%D1%96lan-semanch%D1%96k-11) довгый час, многосторонно, посередництвом особной партіціпації на Европскім намістю в Київі, даванём авдієнцій воджатаям майдану, a в непослїднїй мїрї фінанчно, підпорёвати тоты силы в бою проти законной владї аж до єй здобытя силов. Чом? Пише ся і бісїдує, і я єм быв того погляду, же Запад при оцїнёваню вывоя, руху во світї хоснує двоякый метер. Не є то правда. Все хоснує лем єден а тот самый метер, котрым мірять: накілько є вывой, рух силы, котры го становлёють, політіци, котры го ведуть орьєнтованый прозападно. Покля є в припадї прозападной орьєнтації доволено і оправдано вшытко, в припадї будь-якой іншой орьєнтації – передовшыткым выходной не є толеровано нич.

В) Все ся Русины во світї, світовы русинськы орґанізації інтересовали о дїяня дома – в „краю“ і народный рух підпорёвали. Прияты алібістічны позіції Світовой рады Русинів і п. А. Дулебы ясно свідчатя о тім, же і при приятю рїшіня (підпорити, або не підпорити намагу Русинів о зміну статусу до того часу іщі Закарпатьской Україны (Підкарпатьской Руси), рїшыв метер міряючи прозападность орьєнтації. Нове про мене є то, же, набыла верьх політічна мотівація над мотівацієй народнов (націоналнов). Спомнянута теза про міряня прозападности также высвітлює, чом в припадї Косова ... Америка і Европска унія толеровали взник Косова за вызначнїшой підпоры мафії, і акцептують мафіяньске Косово і в сучасности. Высвітлює і чом їм мішать мафія в Калінїнґрадї. Хто знать, котру мафію мать на мысли? Коса Ностра? Або Ескандер?

Г) Видно, же на Українї, передовшыткым западній, суть силы, котры рїшытельно і проґрамно ідуть в напрямі здобытя западной орьєнтації цїлой Україны. Не єм згоден з поглядом Славка Загорьского, же «Векшой нагоды од часів першой світовой войны не мали сьме і довго мати не будеме.» Не їднать ся о нагоду про зміну статусу. Їднать ся о пережытя народа. Їднать ся о то, же або собі люде будуть сохраняти своє і пережыють (як народ), і може здобудуть зміну статусу, або нї, і так стратять час, можливости, і іншы рїшать за них вшытко. Потїм буде ґорїты Підкарпатьска Русь так як ґорїла Лужіца, Великомолавска імперія, Пряшівска Русь. Стануть ся бандеровцями, фашістами, западнярами. Сітуація, в котрій ся находить Підкарпатьска Русь, потверджує правилность мого роздумованя, котре єм опублїковав у статї «К: Ідеї на рїшіня сітуації в русиньскім русї на Словакії (2) на http://www.holosy.sk/ad-namety-na-riesenie-situacie-v-rusinskom-hnuti-na-slovensku-2 , кідь єм на перше місце як лідра Русинів дав РОСІЮ.

Ґ) Нажаль, выходны Славяне не мають выробену і сформуловану єдину ідею (посмоть «Реакції на сучасный рух Русинів 1» http://www.holosy.sk/m%D1%96lan-semanch%D1%96k-12). Ани нихто ся продумано не занимав тым, же бы тоты збранї дав народу. Ведь выходны Славяне собі все усвідомлёвали свої довєдна „исповеданы“ цїнности:
– руську віру візантійской, константінополской традіції;
– руську културу славяновізантійской традіції;
– руське писмо кіріліцю.
То але не стачіть нато, жебы простор кіріломефодьской духовности і културы (посмоть пробу о дефініцію на: http://www.holosy.sk/sk/m%D1%96lan-semanch%D1%96k-10 ) быв ідеово зъєдиненый. Мать важны проблемы не піддати ся зосередженому софістікованому шырокоспекталному атаку.

Прото на закінчіня своёй реакції нукам серію моїх статей, в котрых є в концентрованій формі і сформулована ідея кіріломефодьской духовности і култуты, котру мож модіфіковати як ідею наприклад апостола Андрія ... Передавайте, управуйте, друкуйте, шырьте, розмножуйте, колпортуйте, орґанізуйте бісїды ... Просто заповнюйте свій простор кіріломефодьской духовностю і културов. В іншому припадї тот простор обсадить ідеолоґія бандеровска, фашістічна, ултранаціоналістічна ...
Додаток:
„РYCCKИЙ ДОМ" B ПРЯШОВІ:
http://www.holosy.sk/m%D1%96lan-semanch%D1%96k-14

Реакції на сучасный рух Русинів (1)
http://www.holosy.sk/m%D1%96lan-semanch%D1%96k-12

К: Підпорне писмо Світовой рады Русинів владї Україны перед вступом країны за члена Европской унії
http://www.holosy.sk/m%D1%96lan-semanch%D1%96k-11

Кіріломефодьска духовность і култура
http://www.holosy.sk/m%D1%96lan-semanch%D1%96k-10

Cв. Літурґія
http://www.holosy.sk/m%D1%96lan-semanch%D1%96k-9

Пріватнa білінґвална словацько-російска ґімназія в Снинї
http://www.holosy.sk/sukromne-bilingvalne-slovensko-%E2%80%93-ruske-gymnazium-v-snine

К: Прислаба ідентічность
http://www.holosy.sk/m%D1%96lan-semanch%D1%96k-7

Русини бы хотїли за уповномоченого чоловіка з підпоров влады?
http://www.holosy.sk/rusini-chceli-za-splnomocnenca-cloveka-s-podporou-vlady

Проґрамовы тезы розвитку русиньского народа
http://www.holosy.sk/m%D1%96lan-semanch%D1%96k-5

Наше походжіня (общоруське)
http://www.holosy.sk/m%D1%96lan-semanch%D1%96k-4

Послїднїй хрест славяньской церькви
http://www.holosy.sk/posledny-kriz-slovanskej-cirkvi

К: Ідеї на рїшіня сітуації в русиньском руху на Словакії (2)
http://www.holosy.sk/ad-namety-na-riesenie-situacie-v-rusinskom-hnuti-na-slovensku-2

Вїнчаня / Венчание
http://www.holosy.sk/vencanije

Без русофілства русиньскый рух загыне!
http://www.holosy.sk/m%D1%96lan-semanch%D1%96k-0